Pelikulang Pilipino- Salamin Ng Kaluluwa At Kulturang Pilipino

Pelikulang Pinoy ay hindi lamang isang libangan ng mga Pinoy, ito ay sumasalamin sa kulturang Pilipino at paghubog ng pagkakakilanlan.

Mapagmamasdan ang tindi ng impluwensya ng pelikulang pinoy pagkatapos ito maipalabas sa mga sinehan, patunay nito ang mga iba't ibang bersyon ng isang pelikula at ang mga klasikong linya na kahit ilang taon na ang nakalipas ay ginagamit pa rin sa kasalukuyan.

At ang mga sumusunod ay ang halimbawa ng mga linyang ito:

* 'Para kang karinderyang bukas para sa lahat ng gusting kumain'!
* You're nothing but a second-rate trying hard copy cat! -Isa itong linya na binigkas ng batikang Pilipinong aktres na si Cherie Gil sa pelikulang 'Bituing Walang Ningning', na pinalabas noong 1985. Matatagpuan ang tagpong ito sa kalagitnaan ng pelikula at maituturing na isa na itong kasaysayan kung mga linya sa pelikula ang paguusapan.
* 'Walang himala! Ang himala ay nasa puso ng tao! Nasa puso nating lahat! Ang Linyang ito ay nagmula sa pelikulang 'Walang Himala' ni Lino Brocka, at ang batikan na Pilipinong aktres na si Nora Aunor ang bumigkas nito.
* 'Ayoko ng tinatapakan ako. Ayoko ng masikip, ayoko ng mabaho, ayoko ng walang tubig, ayoko ng walang pagkain, ayoko ng putik! Ito ang linyang binigkas ng Pilipinong aktres na si Maricel Soriano sa isang sikat na pelikula noong 1980 na, 'Kaya Kong Abutin ang Langit'.
At ito naman ang isang klasiko ngunit katawa-tawang linya na nailathala at sumikat:
* 'Oo, inaamin ko, saging lang kami. Pero maghanap ka ng puno sa buong Pilipinas, saging lang ang may puso! Saging lang ang may puso! Ito ay nagmula sa pelikulang 'Apoy sa Dibdib ng Samar' na ang bida ay ang actor na si Mark Lapid. Hindi sumikat ang palabas ngunit ang katagang ito ang sumikat.

Ngunit ang mga dyalogo na ito ay malayong malayo kung ikukumpara sa mga unang pelikula na lumabas sa PIlipinas. Ang pinakaunang pelikulang nailabas sa Pilipinas ay noong 1919, at ito ay ang 'Dalagang Bukid' ni Jose Nepomuceno kung saan walang tunog ang lumabas dito.
1930 ay taon kung saan unang lumabas ang Pelikulang Pilipino kung saan ito ay may tunog na. Ang pelikulang ito ay tungkol sa alamat at pinamagatang 'Ang Aswang'.

Sa Panahon ng Ikalawang pandaigdigang Digmaan ginamit ang induriya ng Pelikula bilang isang propaganda na ginagamit sa digmaan. 1950 ay ang itinuring na 'Golden Age' ng industriyang pelikula. Sa taong ito nagumpisang kilalanin ang 4 na higanteng kumpanya na gumagawa ng pelikula. At ito ang mga sumusunod:

* LVN Pictures
* Sampaguita Picture
* Premiere Productions
* Lebran International

Ang mga kumpanyang ito ay gumawa ng mga de-kalibring palabas sa Pilipinas na pumatok sa panlasang Pilipino at tumatak na sa mga buhay ng Pilipino. Umaabot ng 350 na pelikula ang ipinapalabas taon taon kumpara sa kasalukuyang panahon, maikukumpara talaga na malaki ang ibinaba ng industriya.

Taong 1960 nang nagumpisang magexperimento ang mga direktor sa paggawa ng pelikula. Lumabas ang mga 'bomba films, at sa ibang bansa ay nakilala ang James Bond. At sa taong din na ito natapos ang pamamayagpag ng pelikulang musikal. At taong 1970 ng itinuring itong pangalawang 'Golden Age' ng industriyang Pilipino.